銅鑼灣澳門逸園中心26樓「備長」性價比高

備長 今次介紹銅鑼灣逸園中心26樓一間日本料理餐廳，佢哋餐廳主打高質食材串燒、刺身、壽司等，酒品選擇都好多，餐廳入面有普通可移動嘅座位同bar枱 ，非常適合同三五知己一齊聚舊吹水食好西！ 1.前菜$28（8/10） 一坐低店員就會遞上一碟前菜，前菜包括有椰菜片、紅蘿蔔條同青瓜條，最重點係前面有一碟係佢哋自家製嘅味噌醬，如果三種蔬菜多返d水份就更好味！ 2.牛舌厚切$78（10/10） 呢串牛舌厚切係餐廳招牌菜，一吋有3大舊，食落勁彈牙，面頭輕輕落咗少少鹽，味道啱啱好 ，咬落去仲見到肉質呈現粉紅色，燒唔會過熟，勁正！ 3.牛肋骨$48（9/10） 呢串牛肋骨啖啖肉，一吋大約有5舊牛肋骨，肉質都好嫩多汁！ 4.美國安格斯牛柳$78（9.5/10） 落單前會問你想要幾成熟，我話要五成熟，個牛柳燒得啱啱好，咬落好嫩滑多汁，牛味又濃，無令我失望！ 5.汁燒魷魚筒$85（8/10） 呢個汁燒魷魚筒係原隻上，燒汁帶少少甜，魷魚肉質彈牙，呢隻魷魚筒都算大隻，份量都算多，唔錯！ 6.白鱔$88（8.5/10） 呢串燒白鱔一共有3舊，每一舊都好大舊好厚肉，一咬放入口腔魚油味出哂嚟，外皮又有少少脆，只不過缺點就係有好多細骨，好彩我係噒骨高手，咩骨我都唔驚，最驚就係食肉無骨！ 7.明太子雞翼（1隻）$32（8.5/10） 「燒雞翼，我自細鍾意食」今次呢隻雞翼係釀咗明太子入去，食落啖啖肉，好味！ 8.鹽燒雞翼$32（9/10） 呢串鹽燒雞翼一共有2隻，雞翼燒得皮脆肉嫩，味道又啱啱好！ 9.自家製免治雞肉棒（付溫泉蛋）$42（10/10） 呢串自家製丸子雞肉棒係佢哋獨家自創，將雞肉切碎再混入雞軟骨搓成棒狀，食之前再點一下溫泉蛋，令到味道再昇華，有香濃嘅蛋味再加雞軟骨嘅口感，簡直非常好味！ 10.備長卷（碎吞拿魚、三文魚籽、海膽）$188（9.5/10） 呢個卷物非常有驚喜，用料唔會好孤寒，擺盤又好靚，一遞上枱面就即刻打卡影相，吞拿魚卷上面再鋪吞拿魚蓉同鮮甜嘅海膽，再放咗好多魚子同蔥花，食落口感非常豐富！ 2人總共價錢$768，有加一服務費！ 個人口味總評分：9/10 @bicho_hk   地址：銅鑼灣軒尼詩道525號澳門逸園中心26樓 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #備長#日本料理#銅鑼灣#銅鑼灣好去處#銅鑼灣美食#銅鑼灣澳門逸園中心#香港美食#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#夏日雙重賞 #快閃話咁易 #唧唧裝驅蚊大師